HadhwanaagNews.com

In badan ayeynu lahayn ha la badalo xukuuumadii iyo xisbigii  xukunka hayey kaas oo shacabka Somaliland badankiisu isla gartay waxana inoo muujinaysa tirade codka ay kala heleen labada xusbi ee Kulmiye iyo  Udub.

Farxad, dabaaldag iyo mashxarad ayaa dhamaan arliga Somaliland laga soo sheegayaa taas oo lagu faraxsanyey sida nabad galyeda ah ee ay u dhacday doorashadu iyo natiijada uu helay xisbigii dadka badankiisu u codeeyeen.

Marka hore waa ilaahay mahadii inay rabshad la’aan ku dhamaatay doorashadii xukunkii dalkana lagu wareejin doona xisbiga Kulmiye.

Shacabka reer Somaliland waxay is weydiinayaan madaxweynahan ay doorteen muxuu u qaban doonaa dalka iyo dadkba ?

Sida aynu la wada socono badanka madaxda xisbiga udub waynu soo wada aragnay  oo xilal hore ayey ka soo qabteen dalka sidaa darted badankooda waynu garanaynaa mid walba waxtarkiisa iyo ahdaaftiisa.

Waxaan kula talin lahaa madaxweynaha cusub ragii hore u soo maray xilalka wasiirnimmo ee ku fashilmay inay dalka iyo dadkaba wax u qabtaan inaanad ku soo darin xukuumadaada ee aad adeegsato xoogaga cusub ee dhalinyarada ah ee ku hamiyaaya inay dalkooda iyo dadkoodaba wax u qabtaan.

Hebal baan ahay iyo waxaan ahaan jiray midna dalka waxba u tarimayso ee adeegso dhiiga cusub ee fareeshka ah ee aan aqoon qabyaalada,xinka iyo xaasidka.

Ismail Omar

Doha
omaris40@yahoo.com

Hanbalyo,hanbalyo Kulmiye iyo madax waynaheena cusub Siilaanyo
 
Dorashadi madax toyada somaliland wax ku guulaystay xisbiga mucaradka ah ee kulmiye,
ilahay waxan uga baryayna in uu ilahay xilka uu fuduudeyo ugana dhigo kuwii aynu nabad iyo barwaaqo ka helno.
Wax lagu farxay noqotay inaynu is bedel iyo wax cusub caleemo saarnaa dadka in badan u jirana wan ahaa Kulmiye mana cabiri kari farxadaydu inta ay leegtay,
Dadka wadnaha farta ku  hayaan ahaa oo waxan raagsaday macal oon sugi kari la aa inta lagu dhawaaqayo lana sheegayo najiidada inagu soo fooda haysay
Sidaynu rabnayna way u dhacday, alxamdu lilaahi rabil calamiin.
Madaxwaynaha cusub ee  Siilaanyo hadaynu nahay shacbiga Somaliland inaga ayaa dooranay  sidaa iyo si ka fiicana way inoogi dhici doontaa doorashada,
danbe ee soo socota haduu ilaahay inagu gaadhsiiyo nabad  iyo nimco, shanta ta sanuu ina xukumayo Siiranayona ilahay ha inooga dhigo kuwo
ay ku dhex jirto ictiraaf la ina aqoonsado. Amiin amiin sc wr wb
 
by Hinda Osman

Hambaliyo Ku Socota Madaxweynah Md Axmed Maxamed Maxamud Siilaanyo Iyo Madaxweyne Ku Xigeenka La Doortay Md Cabdiraxman Cabdillahi Ismaciil Saylici

AMBALYO HAMBALYO HAMBALYO

BISMILAHI AL-RAHMANI AL-RAHIIMI

Aniga oo ku hadlaaya Magaca Guddida Fulinta iyo Taageerayaasha laanta Xisbiga Kulmiye ee Wales U.K, gaar ahaan magalada Cardiff iyo nawaaxigeeda, waxaanu Hambalyo iyo Bogaadin aan la soo koobi Karin oo farxadi ku dheehantahay aanu u diraynaa guud ahaan shacbiga Somaliland ee wadaniyiinta ah, meel kasta oo aay joogaanba, gaar ahaan Madaxweynaha cusub ee Jamhuuriyadda Somaliland, Mudane Ahmed Mohamed Mohamoud (Silaanyo) iyo Madaxweyne Kuxigeenkiisa Abdirahman Abdillahi Ismail (Saylici)

Waxanu ilaahay uga baryaynaa in uu u fududeeyo xilka culus ee loo dortay Amiiin Amiiin Amiiin.

Waxa kale oo aanu sigaar ah u Hambalyeynaynaa Guddida komishanka Qaranka Somaliland  oo taariikhda Somaliland baal-dahaba ka galay.

Guddida Fulinta ee Hambalyada diraysa.

Nassir Esse Geeljire.

Ibrahim Arab Jama.

Calawi Mohamed Gulied.

Abdi Adan Dheere.

Ismail Adan Mirreh.

Mahdi Ibrahim Hassen.

Khadar Ibrahim Warsame.

Amina Ahmed Esse.

Abdirahman Cagaf.

Abdirisaaq Hussen H Abyan.

Mahamed Abdillah Yassin.

Faisal Ahmed Cilmi.

Mhamed Ahmed Kutiye.

Allaa Mahad Leh.

Guul iyo Gobanimo.

Qore: Ibarahim Arab Jama.

Xoghayaha laanta Kulmiye ee Cardiff.

Hambalyo  Hambalyo Hambalyo
waxan u hambalyeynayaa marka hore madaxweynaha cusub iyo ku xigeenkiisa Md madaxweyne Axmed Maxamed Maxamuud (Siilaanyo) iyo Md madaxweyne ku xigeen C/raxmaan C/laahi Ismaaciil (Saylici)
waxan leeyahay hambalyo iyo guul taasoo ilaaha weyn ee boqorka ahi idin siiyey.
mar labaadka waxan iyana hambalyo taas la mida u dirayaa guddida doorashooyinka qaranka ee todobada ah.
madaxweynihii hore iyo ku xigeenkiisa, golayaasha guurtida iyo wakiilada iyo dhammaanba shacabweynaha Somaliland meel kasta oo ay kala joogaanba waxan leeyahay hambalyo hambalyo hambalyo.
Ilaahay ha inooka dhigo madaxweynaha cusub kii dalkiisa diintiisa iyo dadkiisaba anfaca wadankana horumar , nabad, bashbash, barwaaqo iyo ictiraafba u horseeda gaadhsiiyana AAMIIN
 
insha alaahu ilahay waxan ka rajaynayaa in marka hore dhibka ka taagan wadankeena ilaahay inaka saaro taasoo ay ugu weyntahay ubadka badaha ku dhamaanaya kuwaasoo sababta ugu weyn ee ay ka cabanayaan ee wadankooda uga tegayaan ay tahay arrimo dhaqaale xumo.
 
Insha alaahu waxan kel oo aan k rajaynayaa madaxweynaha cusub in uu wadanka si cadaalad ah ku xukumo ilaahayna ku garab galo aamiin aamiin aamiin
 
C/RISAAQ QUULE YUUSUF

Dhamaan Jaaliyada Somaliland ee degan dalka Yemen gaar ahaan Jaaliyada reer Awdal ee degan Sana'a waxay hambalyo iyo bogaadin u dirayaan Madaxweyne Ahmed Sillaanyo iyo ku xigeenkiisa Abdirahman Zeiylici.oo ku guulaystay doorashadii madaxtinimada ee Somaliland waxaan illaahay uga baryeynaa in uu ilaahay u fududeeyo xilka ay u qabteen dadkooda iyo dalkooda waxaana la garabtaaganahay hiil iyo hooba hadii aanahay Jaaliyada reer Awdal ee degan Sanca Yemen.

Dhamaan shacbiga Somalilandna waxaan u rajaynaynaa guul iyo gobanimo iyo walaatinimo in lagusoo dhaweeyo madaxda cusub ee ku guulaystay loolanka doorashada 26/Jun/2010.

McSharif  Sana'a Yemen.

Waxaan halkan hanbalyo iyo bogaadin aan sal soo koobi karayn uga diyrayaa madaxwaynaha cusub ee somaliland
Ahmed maxamed maxamuud oo aha mujaahidka u soo dagaalamay dalkiisa hooyo waxan leeyahay illahay ha kula garab
galo xilkaa lagu dhiibay dadkaagana cadaalada iyo sinaan kula dhaqan
 
waxa kale oon leeyey madaxwaynaha ha iloobin kalintii  dhalinyarada ee aad balan qaadaysay eed lahayd waxbaan ka
qaban doona shaqo la aanta ka jirta dalka ee dhalinyaradu ka tahriibayaan  wananu ku faraxsanahay in maanta dalka
isbadal ka dhaco xalay oodhan waanu damaashadaynay maansh allah illahay aya mahadaa iska leh uu umada isbadal ugu
horseeday .....................................
 
 
Aden Gehayir Golle
 
Hadhwanaagnews
 
Hyderabad /India

Anigoo ah muwaadin u dhashay jamhuuriyada somaliland waxaan hambalyo u drayaa madaxwaynaha somaliland iyo waliba shacab waynaha reer somaliland meelksatoy ka joogaaan adduunka waxaanan leeyahay hambalyo waxaanan idiin rajaynayaa guul meelkastaad joogtaanba,intaas kadib waxaan ilaahay uga rajaynayaa madaxwaynaha somaliland mudane axmed maxamed maxamuud( siilaanyo )inuu xilkaas ku guuleeyo uu ummada reer somaliland u qabtay ee uu ku guulestay.waxa kale oo aan hambalyo udirayaa labadii xisbi ee kale ee lagaga gulastay madaxwaynihii hore mudane daahir riyaale kaahin iyo waliba Eng faysal cali waraabe waxaanan leeyahay u hambalyeeya madaxwaynaha cusub ee soamliland si niyad ah
                                       by khadar maxamuud fure
                                              kingdom of saudi arbabia specially riyadh
                                                        fure08@hotmail.com
                                                     Eebaa mahad dhamaanteed leh

hablayo ku soctay madaxweynah cusub ee soomaliland mudane axmed maxamed siilanyo

ururka beesha isaaqa ee magaalada diridhabe ee dalka ethiopia ayaa waxay hambalyo iyo bogaadin u dirayaan madaxwaynaha ladoortay ee dalka somaliland mudane Ahmed Mah'ed Mah'ud Siilanyo... Waxaanan ku boorinaynaa madaxwaynaha cusub iyo xisbigiisa iyo dhamaan shacbiwaynaha reer somaliland inay ka wada shaqeeyaan sidii horumar lataaban karo loogaadhi laha Iinsha Allaah....
 
 
 
  Thanks to you hadhwanaaaaaaaaag.

waxaan halkan hambalyo aan la ilaawi karin uga dirayaa gudiga komishanka Qaran somaliland oo si daacad ah uga soo baxay hawshoodii loo igmaday iyo shacabka somaliland oo si fiican oo nabadgelyo ah ugu codeeyey qofka ay isleeyihiin wadanka ayuu maamuli karaa.ugu danbeynii waxaan halkan hambalyo uga dirayaa madaxwaynaha cusub ee jamuuryada somaliland mudane: Ahmed maxamed maxamuud (siilaanyo) waxaan leeyahay illahay ha kala garab galo xilkaa laguu igmaday waxaanan kula talinayaa inuu si daacad ah ugu shaqeeyo wadankiisa iyo dadakiisa isaga oon u eegayn xisbi.waxaanan leeyahay waxaad qaaday masuuliyada qofkasta oo reer somaliland ah. 
 
 
Fuad Hussein Hirsi
 
waxaan ahay arday dhigta Imam KHomaini International university
degana magaalada Tehran caasimada wadanka IRAN

Anigoo ah ardayga magaciisu hoos ku xusan yahay kana mid ah ardayda reer soomaaliland ee wax ka barata dalka Ethiopia gaar ahaan Addis_ababa,waxan si aad ah ugu faraxsanahay guusha ay gaadhay soomaaliland ka dib markii shicibka soomaalilad ay si nabad ah ku codeeyeen,isla markaana natiijadii lagu dhawaaqayna ay si sharafleh oo geesi nimo ku jirto ay u aqbaleen xubnihii tartamayay ee kale UDUB iyo UCID,hadaba anigoo aad u faraxsan waxan halkani hambalyo uga dirayaa guud ahaan dadkayga reer soomaaliland meel kasta oo ay joogaan  gudo iyo dibadba,
 
 
mar labaad waxan hambalyo u dirayaa madaxweynaha cusub   ee soomaaliland mudane Axmed Maxamed Maxamuud(Siilaanyo) oo an leeyahay ilaahay ha kuu fududeeye xilka culus ee aad qaaday caawa,
 
 
dhamman halwadeenada hadhwanaagna aad ayaan u salaamyaaa
 
Axmed Maxamed Iimaan
Addis_Ababa
Ethiopia

Mahad Illaahay baa leh.

Waxaan halkan ugu habalyaynayaa dhamaan shacabka reer SomaliLand meelkasta oo ay joogaan guusha Illaahay subxaana watacaalaaye ina siiyey ee ah inaynu si midaysan u codayno ninkastaaba xisbiguu doona how codeeyee. Guushan intan leeg Illaahay uunbaa laga helaa waana mucjiso ku cusub caalamka in wadan aan la ictiraafin, dhaqaale  aan lahayn oo hadana ay ka hir gashey doorasho xor iyo xalaal ah "Guul Guul Guul".

Tan waxay tusaale iyo diiri galinba u tahay in shacabku aaminaan sidaa Illaah inuugu garab galay inay inuu qabsoonto doorashado inaynu wax u qabsan karno isuguna tanaasulikarno kulba keenii nasiibku siiyo inuu hagu himilada iyo mustaqbalka qaran weynaha reer SomaliLand. Waxaanan shacabka ku baraarujinayaa inaynu imika taagan tahay xiligii aynu inta badan usoo samrayna, taasina ay ku timid fadliga Illaahay inuuga dhabeeyey dadaalkeenii  aynu u soo marney qaranimada SomaliLand taas oo dad badani naf iyo maalba u hureen.

Maanta ma taagna reer mana taagna qadiyad xor nimadoon waxay manta taagan tahay sidii aynu bulsho ahaan ku gaadhi lahay hurumar iyo nabad galyo taam ah, taasna waxay dhaboobi kartaa marka uu shicibku ku doorto dowladooda amaba masuuliyiinta xilka u qabanayaa ee ay ku aaminayaa dhamaanba mustaqbalkuugii oo dhan inay noqon karaan qaar hanan kara, hagi kara, leh dulqaadkii ay ku dhabeyn lahaayeen inay soorto qasho in lagaadho hurumarka iyo nabad galyo taamah.

Taas waxay hir qaadi kartaa marka ay meesha timaadu xisaabtan aan turxaan lahayn dadkana lagu maamuusin yuu yahay se lagu tix galoyo muxuu qabtay una soo kurdhiyey bulsho weynta ku abtirsada SomaliLand.

Hadii aan fursadan ugaga faa ideysto inaan inyar dib dadka ugu baraarujiyo wax qabadkii dawlada xilka lagala wareegayo waay ku mahadsan yihiin taariikhduna wey xusi sidii ay u illaahilyeen amaanadii shacabku u dhiibtey ee ay ugu weynayd nabadu oo aynu xasuusan karno intii ay xilka hayeen in aanay dhicin dagaal qabiil inkasta ooy jiraan isku dhacyo yar yari laakiin lama odhan karo waa mid qabiil ku abtirsada ayuu ahaa. Way jiraan dhaliilo badan oo xaga hurumarka ah oo aanay ku sifuuwin in ay sameeyaan shaqo abuur hadanase way dadaaleen intii tamartuuda ahayd halkaa manta la joogana iyaga ayaa soo gaadhsiiyey, shicibkuna aad iyo aad ayuu ugu taageerey.

Waxaanse ka sugaynaa dowlada cusub ee uu madaxweynaha u yahay Md. Ahmed Mohd (siilaayo) inay isbadelkii inta badan ayku taamayeen mudadii dheereyd inay dalka ka dhaliyaan, dabuulaana dhaliilihii ay ku dhaliilayeen dowlada ka horeysay. Waxaan filayaa inay manta ugu nasiib badan yihiin dowladihii iyaga ka horeeyey oo ay manta hogaanka u qabteen xili shicibku bislaadey, waana fursad qaali ah una saamaxaysa inay hirgaliyaan waxyaalo badan oo wanaagsan inay dalka gaadhsiiyaan taas oo aanay helin dowladihii iyaga ka horeeyey.

Amaanu adag ayaa leydinku aaminey, dhamaanba shacabka reer SomaliLand mustaqbalkuudii ayaa laydin ku aaminey ooy dadku idiinku codeeyeen intii idinka codeysayna ku aqbashey natiijadii Gudidii Doorashada mahadi hakagaadhee. Waxaan Illaahey ka baryaynaa sidaa uu inuugu guuleyay inay inoo qabsoontu doorasho xalaali in uu dhiso dowlad cadaalad ah oo dhex ah ina gaadhsiisa mustaqbal wanaagsan iyo nabad waarta. Illaahayna waxaan ka baryaynaa in Illaahay subxaana watacaalaaye isaga ayaa wax ictiraafee inuu ina ictiraafu dowladeena SomaliLand.

Mahad gaara waxaa iska leh dhamaan shacabka reer SomaliLand, Gudidii Doorasha oo muujiyey tusaalena u noqdey umada reer SomaliLand waa muwaadiniin dhab ah Todobadaa nin iyaga ayaa guushaa la wadaaga shacabka waxayna ku gaadheen daacad nimo iyo iyaga oo ka dhabsheegey dhaartii ay ku dhaarteen inay si Illaahay ku ogyahay u xag suuraan “Illaahay haydin  ka jisaa’I siiyo” taariikhdana waad gasheen waanad istaahishaan xil intaa ka weyn.

Allaa Mahad Leh….

HANBALYO IYO BOOGAADIN KU SOCOTA MADAXWEYNAHA CUSUB MUDANE AHMED MOHAMED MOHAMUD. IYO LABADA GUDOOMIYE EE KA QEYB GALEY TARANTII DOORASHOOYINKA

Salaanta islaamka ka dib.

Waxaam halkan hanbalyo iyo salaan qaaliya u marinaya Madaxweynaha Cusub ee Jahmhuriyada Somaliland mudane Axmed Mohamed Mohamud Silaanyo. Waxaan madaxweynaha Alle uga baryaya in xilka umada ee loo doortey uu Alle u fududeeyo kana yeela mid dalka iyo dadka gaadhsiiya horumar iyo barwaaqo. Iyado dhanka kale ay waajib tahey in madaxweynaha loogu hagar baxo sidii loogala shaqeyn lahaa hawlaha qaranka ee horyaala.

Dhanka kale waxaa iyaguna hanbalyo iyo sharaf mudan labadii musharax ee ku tartamayey magaca labada xisbi ee UDUB iyo UCID. Madaxweynihii hore ee Jamhuriyaa Somaliland mudane Daahir Riyaale kaalin oo taariikhada baal dahaba kaga galey sidii taariikhiga aheyd ee ugu qancey in marka hore la qabto doorashooyin xor ah iyo sida uu markii danbe ugu qancey natiijadii doorashada ka soo baxdey.  Waxaa isaguna hanbalyo mudan Gudoomiyaha xisbiga UCID mudane Faysal Cali Waraabe oo runtii dadaal iyo juhdi badan geliyay in Somaliland noqoto wadan madaxdiisu ku timaado hab  democracy ah.

Somaliland ha noolato.

Guul iyo gobanimo.

Allaa mahad leh

Osman Omar Dool

London UK

Mudane Madaxwayne, waxaad u soo halgantoba wataas caawa taajkii lagu saaray. Wataas reero sabool ah, laakiin dun wanaagsan taladii laguugu dhiibay. Wataas adiga lagu soo wada eegay. Wataas maankaaga looga tagay waxaad fail doontid iyo waxaad fulin rabtoba. Md Madaxwayne, marka horeba hambalyo iyo boogaadin iga hoo. Duco iyo salaam iga hoo. Taageero inta ugu badan ee hogaanshe talo loo dhiibay la isla garab taago iga hoo. Intaas kaligay kuma lihi ee kumanaan iyo boqolaal kun oo kale ayaan la qabaa. Waxaad hagaajiso aniga ayaa nacfigiisa guranaaya, wixii aad xumaysona anigaa qiimihiisa bixinaaya. Marba haday sidaas tahayna inaanan duco iyo dadaal midna hagranin waa igu waajib waanan yeelayaa. Hadda ololihii wuu dhamaaday, kii kuu codeeyay iyo kii kaa codeeyayba adigaa madax u ah sidaad horeyba u xustay. Dadka in kula xusbi ah, oo gooni isu kaa xigsiisa, iyo in kale oo ka hor jeeda maantii la codeeyay baa warkoodu dhamaaday. Sida aad taas u fahamto, ama u muujiso inaad fahamtay ayaa guushaada iyo guul daridaadu ku xidhnaan doontaa.

Mudane Madaxwayne, goobtu waa goobtii, wa goobtii aad taqiinay ee guuldarooyinka magacyada kala gadisani isu bedeleen. Waa goobtii kontonkii sano ee ina dhaafay ay masiibo oo dhami ka dhacday mid aadame falay iyo mid xagga Ilaahay uga timidba. Waa goobtii dadku intay hadba isku dayaan inay kacaan ay hadana kufi jireen ama la kufin jiray. Waa goobtii uu abwaankii lahaa, “Oogso baan is idhaa, afwaynta ayaan u dhacaa.” (Gaariye). Dadka iyo dalkuba isku si bay u dhaawacanyihiin; isku daawo qudhana way rabaan. Daawadas waxa ugu mudan kiniinka qaliga ah ee cadaalad loo yaqaano, hufnaan baa wehelisa, maamul wanaag baa ku jira, dacadnimo ayaa intaba sal u ah! Kiniino qaali ah weeye hadana jaban, waa kuwo helistoodu adagtahay markaan cidi u jeedin, hadii loo kacona si fudud baa lagu soo xero galiyaa. Waa meelaha ay u dhutinayso amaba u dhimanayso.

Mudane Madaxwayne, geesi geesi dhalay baa geedka kaaga horeeyay, waa Aadan-cadihii qarnigan, waa Madaxwayne Rayaale. Intii uu karaayay wuu qabtay, nabadii waa ilaaliyay, geedigii maamul wadaaga iyo dawladnimadana kama weecan dhaliil kastaaba ha jirtee. Wakaas gacanta kaa galiyay ama kaa galin raba sidii uu horeyba u balan qaaday. Wakaas ka mudhay Afrikaankii kale ee inoo dhawaa iyo kuwii inaga dheeraaba. Waxan kaa rabnaa inaad barta ay joogto ka amba qaadid oo geediga horey u wadid. Caano daatayba dabadood baa la qabtaa, hadaad in badan sheegtay inay dawlad xumo jirto hadda dawladii wacnayd baa lagaga fadhiyaa. Godod ay kuwii hore ku dhaceen baa jira, waana godad af-waawayn. Waa godad sida lugta loola seegaa ay adagtahay, ninkii se dadaal iyo daacadnimo isku darsadaa, dad wacana xushaa si sahlan, xaragona leh buu uga weecan karaa, dadkana uga weecin karaa.

Mudane Madaxwayne, hadii sidii kuwii hore habka beelaha iyo nidaamka dawladnimada aad isku mulaaqdid oo badhtanka isu dhigtid, waxad ku dhici godadka aan sheegaayo een laga bixin, waanan kula necbahay. Hadii aad hantida aadka u tirade yare e wadanka soo gasha ilaalin waydo, meesha daran meesha ugu sii darana ku bixin waydid, dad nadiif ah oo maamulkeeda qabtana u dhiibi waydid, god kale oo isaga la yidhaaho “Xargaga” ayaad ku dhici, godkaasna waan kula necbahay. Hadii qawaaniinta wadanka yaala iyo hay’adaha aad ilaalin waydid oo dhisi waydid, waxa la qortay oo dhana aad u aragtid khad meesha iskaga yaala oon micno lahayn sida madaxda Soomaaliyeed horey iyo dibba caadada u ahna god kale oo isagu intaba ka sii dheer baad ku dhici aadna waan kuula necbahay. Hadaad u aragto inaad shan ama toban oday oo beesha reer-qansax ama beesha kale ee reer-qodax ka tirsan la shirtid ama laaluushtid, una fahamtid inay iyagu kugu filanyihiin, dadwaynihii iyaga ka balaadhnaa ee taajka ku saarayna aad sidaas ku ilowdo, oo xafiiskaaga odayaal isu waydaartaana god intii horeba ka daran oo aanan magaciisa aqoonin baad ku dhici, waanan kula necbahay ee ka digtoonow. Hadaad dadka afka qabato, in lagu dhaliilona aad u aragtid in lagu necebyahay, inaad qalad qiratona aad nacasnimo u aragtid, dadka kii ku amaanana saaxiib ka dhigato, kii ku dhaliilana u fahamtid inuu shaydaan la dhashay, markaana god kale ayaad ku dhacday oo xiligaas qoorta uun baaba ku soo jeeda, waanan kula necbahay. Waa godkii ay ku dhaceen Afwayne Barrihii Soomaaliya eed waagii ogayd, Nicolae Ceausescu hii Romania, Markose kii Philippine iyo xer kale oo badan, waanan kula necbahay dhab ahaan ee xagiisa ha u kicin.

Gabagabadii, Mudane Madaxwayne, xafiis hawl badani taalo ayaa ku sugaaya dhab ahaan. Xafiiskaasi qorshe cadaan ah, oo kala horeeya oo kala dambeeya ayuu rabaa. Xafiiskaasi fursad aad ku soo diyaar garawdo iyo bil hore oo hambalyooyinka aad qaadato ma sugi karo. Sababtu maaha inaadan nasashadaas xaq u lahayn ee waa inaynaan karaynin. Magaalada aad joogto ee fadhiga kuu ah waa lagu oomanyahay. Magaalada xigta ee ay ahayd inay dhaqaalaha wadanka sal-dhig u noqotona waa laga haajiray, biyaha lagu cabona waxa laga soo dajiyaa dekedo kale oo degmada ku yaala. Magaalada ku sii xigta iyadu waabay ka darantahay oo inaanay wadankaba ka tirsanayn baad moodaa. Lacag habaarqabihii wadanka kaga tagay oo aad u baaba’day ayaa wareerisay. Bari iyo galbeed kaad u kacdidna dhibaato ayaa ka taagan. Intaas oo dhan qorshaheedii baa lagaa rabaa, wixii qalad ee aad samaysaana waa mid aanad qiimihiisa awoodi Karin, waliba garawshona kuma helaysid mar hadii aad siyaasi rug-cadaa ah tahay. Talo waa kula gudboontahay ee boqolka ayaamood ee u horeeya ugu yaraan waxa aad qabanayso iyo sida aad u qabanayso noo muuji. Ilaahay ha kula qabto.

By Maxamed Haaruun

Email: mbiixi@gmail.com

Waxaan hambalyo halkan ugu soo gudbinaya Madaxweynaha Cusub Mudane Ahmed Mohamoud Siilaanyo iyo Madaxweyne kuxigeenkiisaba. Waxaan siddoo kale hambalyaynayaa xisbiga Kulmiye guusha ay ka gaadheen doorashadii madaxtinimada Somaliland. Aduunka hore-umaray waxa caado u ah in ninka guuleysta lagu gacan-qaado guusha uu gaadhey, xilka uu qaadayna loo rajeeyo inuu noqdo kii ku guulaysta. Waxa hubaal ah in qofkeliyi guuleysankaro marka kursi keliya loo tartamayo. Waxaan Illaaahay uga rajaynayaa Madaxweynaha Cusub iyo Maamulkiisa uu soo dhisi doonaba inay noqdaan kuwii ay u hirgasho inay wadanka ictiraaf iyo maamul wanaag gaadhsiiyaan. Waxaan rajaynayaa dumuuxaadka shacabka doortay in maamulka cusubi nodo kii hirgelin doona.

Waxaankale oo halkan ka hambalyaynayaa shacabka reer Somaliland. Waxaan filayaa in guusha ugu weyne iyaga u soo hoyatey. Waxay noqdeen ummadda keliye ee iyagoo aan cidnaba ictiraaf ka haysan, cid mucaawimo siisaana aanay jirin oo weliba ku yaal goob dagaal, ku guuleysey inay doorashooyin xor ah iyo dimuqraadiyad ka hirgeliyaan dalkooda. Waxa hubaal ah inay tusaale fiican oo lagu dayankaro u noqdeen dalalbadan.

Waxaan siddoo kale doonayaa inaan qadarin iyo qiimayn gaar ah siiyo Madaxweynihii hore Mudan Daahir Riyaale Kaahin iyo maamulkiisii. Mudane Riyaale iyo maamulkiisu waxay Somaliland gaadhsiiyeen meel muqadas ah oo taariikhda dalka iyo ta aduunkuba xusidoonto Wuxuuna muujiyey geesinimo iyo xilksanimo. Waxaana cad oo aan cidina ka murmikarin inuu muujiyey inuu horumarka iyo mustaqbalka Somaliland uu aad u danaynayo. Waxaanan rajaynayaa inuu ka sii qayb qaadan doono tilmaamista iyo talo-siinta maamulka cusub hadba wixii kaga haboon.

Maamulka cusub waxaa waajib ku ah inuu halka iminka wax marayaan ka sii amboqaado isagoo tiigsanaya inuu hirgeliyo wixii maamulkii hore u qabsoomiwaayey. Waxaan ku boorinayaa in maamulka cusub waxa ugu horeeya ee uu wax ka qabtaa noqoto:

1)     Siddii Sh.Somaaliga looga bedelilhaa Gobolada weli lagu isticmaalo lacagtaasi. Wadan goboladiisu kala lacagyihiinna horumar dhaqaale ma gaadhikaro. Dhaqaalaha iyo midnimada dalkana khatar weyn ayay u leedahay lacagtaas kala duwani.

2)     Siddii wadooyinka iyo isgaadhsiinta loo hormarinlahaa. Wadooyinka iyo isgaadhsiinto waxay ka mid yihiin halbawlayaasha kaaba dhaqaalaha wadan leeyahay. Dub-u-dhiska wadooyinka iyo isgaadsiintu waxa kale ooy wax ka qabankartaa dhinaca shaqo abuurista oo dad badan ayaa shaqo ka heliya.

3)     Dawladu waa shaqo-bixiyaha (employer) koobaad, markaa waxa muhiim ah in waax-yaha ay dawladu ka koobantahay loo qaybiyo (decentralize) gobolada iyo degmooyinka dalku leeyahay. Si gobolada iyo degmooyinku igu sinaadaan shaqo bixinta maamulka dhexe. Xataa mushaharka ay qaadanayaan shaqaalaha dawladda dhexe (central) ee loo soo bedeley gobol oma degmo kale waxay wax ka taraysaa koboca dhaqaalle ee gobolkaas oma degmadaas. Sadexdaas qodob oo keliya haddii Madaxeynaha cusub iyo maamulkiisu ku guuleystaan waxay noqonaysaa horumar taariikhiya oo Kulmiye dalka gaadhsiiyey.

Gebogebedii, waxaan uga digayaa maamulka cusub inuu wax aargoosi u muuqankara kula kaco shaqaalaha iyo madaxdii hore ee Jamhuuriyada Somaliland. Isku-tiiqtiiqsi iyo kala aargudasho waxay keeni kartaa burbur iyo dub-udhac ku yimaada yididiiladii laga qabey ictiraaf iyo horumar. Markaa waxaan leeyahay Maamul hor-u-socod ah ayaa laydiinka baahanayahay - oon wixii tegey tiigsan, kuna salaysan balanqaadkiinii iyo wixii prograamkiinu ahaa.

Wa Billaahi tawfiiq

Mohamed Abdillahi Elmigeydh

Ottawa Canada

SI XARAGO LEH AYAAD NOOGA BADISAY HAMBALYO MADAXWEYNE AXMED M MAXAMUUD ´´SIILAANYO´´.
Waxaan qirayaa oon ayid sanay inuu Madaxweynaha inoo dhashay yahay shaqsi u dhashay
Adkaysi aan caadi ahayn oo waxkasta oo lasoo kulmay kasoo dabaashay Xiligii halganka
iyo Sabankan aynu qaadanay nidaamka Axsaabta Badanba, Wuxuu isticmaalay Waaya aragnimadiisa siyaasadeed ama aqooneed isagoo cagta u dhigaya mashaakilkasta xalkii uu u heli lahaa, waxaan  qirayaa inuu si xarago leh uga badiyay Xisbiga aan ka tirsanay ee UDUB IYO UCID-BA. Waxa u sii  dheer isagoo ka guulaystay laba dagaal oo kala ah: 1) tartankii uu kula jiray xisbiyada la loolamayay (UDUB IYO UCID) iyo 2) xalinta khilaaf kasta oo ka jira gudaha xisbigiisa waana  ta ugu daran ee ugu adag in la bogsiiyo khilaafka xisbiga gudihiisa (Internal political conflict within the party).
 
Mudane Madaxweyne ilaahay hakugu garab galo masuuliyada qaran eed dusha ku qaaday ilaahay  hakaa dhigo mid nooga faa´iideeya Aqoontiisa Dhaqaale iyo Siyaasadeedba, Rabi hakaa dhigo Madaxweyne umadiisa gaadhsiiya horumar ay ku xusuusato.

Fiiro Gaara: Shaqsi uma jawaabo, Afxumana umada uma horseedo, taasaynu isku ognay Akhristayaal.
 
SANWAA CUMAR YARE
 
GUDOOMIYAHA GUDIDA
SIYAASADA XISBIGA UDUB
QATAR.
E-Mail Address:muwadin01@hotmail.com

Hambelyo Madaxweyne Cusub By Fouad Abdisalam
 
 

Salaamu Laahi Caleykum
 
Waxaan Halkan Hambelyo Iyo Bogaadin Uga Dirayaa Madaxweynaha Cusub ee Somaliland
Mudane Ahmed Maxamed Maxamud Siilaanyo Oo Noqdey Madaxweynihii Afraad Ee Somaliland ,
 
 
Mudane Ahmed Siilaanyo Waa Halyey Qaran oo U Qalma Madaxweynenimada Somaliland ,
Isagoo Ahaa Gudoomiyihii SNM,
 
Mudane Siilaanyo Ilaahey Waxaan Uga Beryaa in u Xilkaas Cusub U Fududeeyo ,
Noqdana Madaxweyne Fuliya Balanqaadkii Dadweynaha Somaliland Ku Doorteen ,
 
Siilaanyo, Waxaa Uu Todoba Sano Ka Hor Kula Tartamey Madaxweynaha Hada uu Ka
Guuleystey ee Daahir Riyaale Doorashadii Somaliland Ka Dhacdey ,
Waxaa Kale Oo U Hambelyeyna Madaxweyne Ku Xigeenka Cusub Mudane Abdiraxmaan Saylici ,
 
Shacabka Somaliland Waxey Muujiyeen Horumar Balaadhan oo Aaney Gaadhin Wadamo Badan oo Caalamka Ahi ,
 Taas oo Magac iyo Maamuus u Soo Hoysey Qaranka Somaliland
 
Ilaahey Waxaan Uga Beryayaa Madaxweynaha Cusub iyo Xisbiga Kulmiyaba In Xilkaas u Fududeeyo ,
 
Aamiiiiiiiiiiiiiiiiiiiiiiin
 
WAABAA BERYEY BILICSAN , AROORYO BAXSAN Maalin Boqran

 
 Fouad Abdisalam Hassan 
 National04@hotmail.com                       

HANBALYO KU SOCOTA QARANKA SOMALILAD 

waxan hanbalyo iyo farxad leh hawada u marinayaa shacabka somaliland gar ahaan teegarayasha xisbiga kulmiye

ee ku guulaystay talada dalka , waxa kale oo an halkan hanbalyo hawada u marinayaa madaxwayna somaliland

ee ku guulaystay doorashada somalinad mudane  axmed maxamed maxamuud  siilanyo iyo ku xigeenkiisa saylici

 ilahayna waxan uga baryaa

 in uu u fududeeyo xilka uu ku guulaystay manta shacabka somaliland na waxan u rajaynayaa guul iyo barwaaqo

waxa la odhankaraa waa iftiin somaliland manta u soo baxay isbadalkaa yimi ilahay ha inooga dhigo guul iyo barwaaqo

Alle mahad leh

saleebaan  maxamuud  dhiidhi

               Waxa guulaystay baaqii u horreeyay ee nabadaynta beelaha
 Somaliland. Berbera ,albaabkeena addunka u furay, oo heshiiskii isa
saamaxa beelaha lagaga dhawaaqay "  khudbadi silaanyo oo dhameys tiran  wariye: cadnaan EHEL   aqoon143@hotmail.com          

As salaamu calykum wa raxmatu laahi wa barakaatu.

Walaalayaal waxaan maanta halkan uga soo tebinayaa umadda
reer Somaliland meel ay joogaanba hambalyo iyo bogaadin, sida fiican
 ee ay inoogu dhamaatay doorashadii madaxtooyada ee aynu galnay 26, June, 2010.

Waxaan kale oo aan hambalyeenayaa Komishanka Doorashooyinka Qaranka,
sidii hufnayd ee hawlkarnimadu  ku dheehnayd, ee ay u hirgeliyeen hawlaha
 doorashada. Waxa sidoo kale xusid mudan doorka laxaadka leh ee bulshada
caalamku inooga taageertay qabsoomidda doorashada, oo ay u horreeyaan Wadamada midawga Europe iyo dawladda Maraykanka.

Hambalyo gaar ah, oo aan cidna la wadaagin ayaan u dirayaa dalka aynu jaarka nahay ee
Ethiopia, oo aan mar qudha ka nasan taageerada ay inooga fidinayeen qabsoomidda doorashada iyo dhamaynta  khilaafyadii siyaasadeed ee ina soo dhexgalay sanadkii 2009. Ma aha  markii u horraysay, ee inagoo taageero u baahan Ethiopia ina gacan qabatay. Waxaan leeyahay idiin ogin haddana, annagu dad abaal guda  ayaanu nahay. Sidoo kale ayaa waxaan salaam iyo mahadnaq u diraynaa dadka iyo dawladda reer Djibouti, oo niyad wanaag inoo muujiyay kuna farxay horumarkeena iyo dimuquraadiyadeena.

Dhinaca kale, waxa aan si gaaraa ugu mahadnaqayaa musharixiinta labada xisbi ee
 UDUB, UCID, iyo taageerayaashooda. Waxaanan cadaynayaa in aan marin doono maamuuska
 iyo qadarinta ay qarankan ku leeyihiin, aniga oo ugu horayn u fidin doona martiqaad wadatashi.

Ugu dambayntii, waxaan hambalyo u soo gudbinayaa taageerayaasha Kulmiye ee maanta
guushan soo hooyay. Waxaan leeyahay waad mahadsan tihiin waxaanan idin xusuusinayaa
in ay maanta inoo bilaabantay hawshii aynu ku ballan qaadnay inaynu dadkeena iyo
dalkeena u qabano, sidaa darteed ogaada ineynaan kabaha bixin ilaa aynu balan qaadkeenii fulinayno.

Waxa kale oo aan leeyahay maanta keligeen maynu guulaysan, haddaynu nahay
reer Kulmiye ee Somaliland oo dhan baa guulaysatay, dacal ilaa dacal. Haddaan qaar kooban wax ka tilmaamo anigoo kuwa aanan magacaabinna raalli gelin siinaya:

    * Waxa guulaysatay taariikhdii halgankii dheeraa ee SNM iyo kuwii naftooda
u huray xoraynta dalka.                                                                                
    * Waxaa guulaystay  Balli Gubadle, Xaruntii Halganka.

    * Waxa guulaystay baaqii u horreeyay ee nabadaynta beelaha Somaliland.
Berbera ,albaabkeena addunka u furay, oo heshiiskii isa saamaxa beelaha lagaga dhawaaqay.

    * Waxa guulaystay go’aankii dib-ula-soo-noqoshada madaxbanaanida Somaliland ee Burco.

    * Waxa guulaystay shirkii nabadda dhidibada u aasay ee Axdi Qarameedkii
 dhalay, Distoorka iyo dimuquraadiyadda aynu ku caano maalnay ee aynu doorashooyinkii
hore iyo tanba ku galnay. Boorame ayaa guulaysatay.

    * Waxa guulaystay hoyga tusaalaha wada noolaanshaha iyo is kaashiga bulsho kala beelo ah, hoygii axdi goboleedka. Ceerigaabo ayaa guulaysatay.  

    * Waxa guulaysatay hoyga gadhwadeenimada  iyo gaashaanka birta ah. Oodweyne ayaa guulaysatay.

    * Waxa guulstay hoyga garaadka iyo geesinimada. Gabiley baa guulaysatay.
     * Waxa guulaystay hoyga gobanimada Somaliland ee Laascaanood.

    * Waxa guulaysatay xarunta ilbaxnimada iyo degenaanshaha. Saylac baa guulaysatay.

    * Waxa guulaysatay xundhurta iyo xarunta Dalka Somaliland. Waa habboon.
Waa Hargeysa mugweyn. Magaalo madaxda dalka ee umaddeena oo dhan marti gelisay ayaa guulaysatay.

    * Waxa guulaysatay dimuquraadiyadda oo ah dariiqa keliya ee ummad xor ihi himiladeeda ku gaadhi karto.

    * Waxa guulaysaty nabaddii .

    * Waxa guulaysay ciidamada qaranka oo aan dib u derejo la’aan doonin.          
                                                                                    

    * Waxa guulaystay dhallinyarada mustaqbalkeena ah, oo aan tahriib iyo
shaqo la aan dib bada isugu guri doonin.

    * Waxa guulaysatay culmadeenii oo aan dib damabysa afmiishaar iyo beenaale
 looga door bidi doonin bulshadana kaalinta ka geli doona karaamada ay ku leeyihiina ka heli doona.

    * Waxa guulastay shaqaalaha dawladda oo aan dib ugu jri doonin cagajuglayn iyo tahdiid la xidhiidha fikirkooda siyaasadeed.
    * Waxa guulaystay hooyooyinka suuqa cadceediisa ganacsiga yar la fadhiya oo cashuurtooda wax loogu qaban doono.

     * Waxa guulaystay golayaasha qaranka oo hab maamuuska ay leeyahiin ka heli doona xukuumadda Kulmiye.
    * Waxa guulaysatay caddaaladda oo  la sugi doono.
      
    * Waxa guulaystay bulshada rayidka ah oo kaalinta ay horumarka kaga jirto
taageero ku heli doonta.

    * Waxa guulaystay ganacsatada dalka rag iyo haween leh, oo si caddaalad iyo
sinaan ah, oo sharciga waafqsan u guddan doona hawlahooda ganacsi, xisbigay doonaan ha ahaadeene. 

    * Waxa guulaystay dadweynaha guud ahaan oo u harraadanaa adeeg hufan oo
habsami loogu qabto.
    * Waxa guulaystay reer guuraageena oo aad moodaysay inaan xukuumadahii
ina soo a maray kuba xisaabtamin wax u qabad kooda.

 Walaalayaal, intiinii iga codaysay iyo intiinii ii codaysayba, waxa aan
  maanta idiin sheegayaa in aan madaxweyne u wada ahay, isla markaana aan
si cadaalad ah idiinku hogaamin doono mudadda aan xilkaa hayo, Insha Allahu tacaala.

Gabagabadii, waxaan dhamaantiin idiin balan qaadayaa in aan taladiina dhug
 iyo dhaymo u yeelan doono, aniga oo ku soo dhaweenaya qalbi furan iyo niyad san.
 Walaalayaal, Somalidu waxay ku maahmaahdaa far kaliyi fool ma dhaqdo, sidaa darteed
 waxaan idinka codsanayaa inaad xilka aad ii doorateen igu garab gashaan, isla markaana in aad Ilaahay ii baridaan in uu ii fududeeyo.

Allaahu akbar.

Somaliland ha Midowdo. Somaliland Hawada jirto.

Aamiin eebow.

Salaamu calaykum wa
intaa waxaa ku dhan khudbadi qayaha iyo qimaha laheyd ee u jadiyay madaxweynaha cusub ee somaliland
mudane  Axmed Maxamed  maxaamud silaanyo
cadnaan ismaaciil cabdi ( cadnaan EHEL )
aqoon143@hotmail.com

Hambalyo madaxwaynaha cusub somaliland mudane axmed maxamud silaanyo

Waxaan Halkan Hambelyo Iyo Bogaadin Uga Dirayaa Madaxweynaha Cusub ee
Somaliland Mudane Ahmed Maxamed Maxamud Siilaanyo Oo Noqdey Madaxweynihii
Afraad Ee Somaliland , Waxaa Kale Oo U Hambelyeyna Madaxweyne Ku Xigeenka
Cusub Mudane Abdiraxmaan Saylici .
Mudane Siilaanyo iyo ku xigeenkiisa  eng saylic waxaan  Ilaahey Uga Beryaa
in u Xilkaas Cusub U Fududeeyo , Noqdana Madax Fulisa Balanqaadkii Dadweynaha
 Somaliland idin doorteen waxaanan idin sheegayaa in aad u sinaataan kii codka
 idin siyay iyo kii aan idin siinba  , sidoo kale waxaan u hablayaynayaa shacabka
Somaliland sidii fiicnayd ee ay  madaxdii u tartamaysay ku kala sareen sidoo kale waxaa
amaan mudan madaxwaynihii hore Somaliland daahir riyaale iyo  ku xigeenkiisa oo  qadariyay
 doonistii shacabka waxaan sidoo kale amaan mudan faysal cali waraabe oo geesinomo muujiyay
 noqdayna ninkii ugu horeyey u  shacabka codkiisa qadariya.
 Shacabka Somaliland Waxey Muujiyeen Horumar Balaadhan oo Aaney Gaadhin Wadamo Badan oo
 Caalamka Ahi , Taas oo Magac iyo Maamuus u Soo Hoysey Qaranka Somaliland
 
Ilaahey Waxaan Uga Beryayaa Madaxweynaha Cusub iyo Xisbiga Kulmiyaba In Xilkaas u Fududeeyo ,
Somliland guuuuuuuuuuuuuuuuuuuul iyo gobanimo
Engineer AbdiMaliki Abdi Hassan

Iqra University, Islamabad
Department of Science and Technology
MS Leads To PHD
Telecommunication and Network Eng
Dahir iyo Siilaanyo isbedelka

Ilaahay ayaa mahad iska leh ina ictiraafay inoona
dhaliyey muwaadinnimo iyo wadajir, marka xiga Madaxweynaha
cusub ee Jamhuuriyada Soomaaliland Axmed Maxamed Maxmuud
(siilaanyo) aad baan ugu hambalyaynayaa waxaanaan leeyahay
 ilaahay xilkaa culus ee loo doortayna ha la garab galo,
 soomaalidaa hore u tidhi ( Nin xil qaaday eed qaad),
runtiina maamulka iyo xukunka ummadu waa xil aad iyo aad
u adag, ninka doonayaa inuu xil qaadana waa inuu dhawrsoonan
isku ogaadaa, Madaxweynha cusub ee Jamhuuriyda Soomaaliland
Axmed siilaanyo waxaan leeyahay waxaa lagaaga baahanyahay
dulqaad, daacadnimo, dhibirsanaan, cadaalad, sinaan, daryeel si loo gaadho horumar.
 
   Marka labaad, xilku waa wareegto, doorshaduna waa ayaan
 ninba waa ayaantii, guusha iyo guul daradu cidna lamay dhalan,
 dhamaanteena saddexda xisbiba waxaynu lahayn ujjeedo mid ah oo
ahayd horumar iyo horusocod. kulmiye, UDUB, iyo UCID ba labada
xisbi ee laga guulaystayna waxaan leeyahay waxaa ku guulaystay
walalkiin ee hambalyeeya, balse waxaa abaalweyn inagu leh
madaxweynaheeni hore ee dalka ka badbaadiyey caadada iyo
camalka ay ku kacaan madaxweynayaasha caalamka qaar ka mid ah,
ee si gobonimo leh u haneeyey xilka, runtii Dahir rayale waa
nin ah hogaan ku dayasho mudan oo lagu yaqaanay dulqaad iyo degdeg la´aan,
 wuxuu muujiyey camal ku daysho leh loona baahanyahay inay ku daydaan
madaxweynayaasha mustaqbalka iyo Axmed siilaanyo, DAhir rayaale runtii
wuxuu dalka soo dhidayey in badan iminkan waxaan leeyahay Daahiroow abaal iyo
taarikh baad reebtay ee ifka hibo ku noolow aakhiran halkii roon.
 
 
Cabdiqani Muse Xasan
Hargeisa, Somaliland
   ______________________________________________-

Asalamu Calaykum Waraxmatullah.

Anigoo ku hadlaya Magaca Urur ardayda Somaliland ee Bangladesh(Somaliland Student
Association in Bangaldesh,SSAB), Waxaan halkan hambalyo,bogaadin iyo Amaan halkann
 uga soo diraynaa Madaxweynaha Cusub Mudane Axmed Maxamed Maxamuud (Siilanyo) iyo
kuxigeenkiisa Mudane C/raxmaan Maxamed Zeylici.
Waxaan Allah uga baryaynayaa inuu u fududeeyo Xilkaasi Culus ee loo igmaday.
Waxa sidoo kale aan halkan Amaan iyo Mahadnaq uga jeedinaynaa Labadii Musharax ee
kale Madaxweynihii hore Daahir Rayaale iyo Gudoomiyaha UCID , Eng Faysal Cali
Waraabe oo runtii si geesiniimo leh u aqbalay natiijadii Doorashada ee gudida Doorashadu soo saartay.
Allah Somaliland Ha garabgallo.

Abdirisaq Yusuf Cadaani
Chairman of SSAB(Somaliland Student Association In Bangladesh)
Dhaka,Bangladesh
cadaani05@hotmail.com

Waxaan hanbalyo u dirayaa Madaxweynaha cusub ee somaliland maanta ku
guuleystey doroshadii xaqa iyo xalaasha aheyd ee ka dhacday somaliland
mujahid ahmed mahamuud silaanyo waxaa uu muteystey GUUL tariikhi ah
iyadoo calamku ku faraxsanayeen sida ay doroshadu dhacday shacabka
somaliland ay aad u soo dhoweyeen madaxweynaha cusub isaga oo ahaa
mujahidiintii asaasay dib u xoreyntii somaliland
 
 
waxaan leyahay madaxweyne shacabku kumey ilaawin maantana xaq
ayaad u ledahay in lugu doorto taasina waa guul shacabka somaliland
u so hoyotey
 
 
 
 
alaa mahadleh
 
 
Ambassador
Abdiraaq mecaad

Hambalyo   hambalyo                 hambalyo.
Waxaa ugu horeyn halkan ka hambalyaynayaa dhamaan shacbiga reer
Somaliland sidii wanaagsanayd ee xaragada lahayd ee ay uga qayb
 qaateen ololihii doorashada iyo cod bixintii ka danbaysayba.
waxaan kaloo hambalyaynayaa gudiga doorashooyinka oo runtii qayb
weyn ka qaatay sidii ay u hirgali lahayd doorosho  xor ah oo xalaal ah oo si nabada ku dhacda.
Waxaan kaloo hambalyo u dirayaa madaxweyna hada talada dalka haya ee
laga guulsaystay oo runtii si geesi nimo iyo gobonimaba leh u aqbalay
natiijdii doorashada taaso aad moodo inay cadaatay bisaylka siyaasadeed
ee siyaasiyiinta reer Somaliland gaadheen,iyada oo ay yartahay in laga helo
madax badan oo afrikaan ah inay sidaas oo kale yeelaan hambalyeeyaan marka laga guulaysto.
Waxaan kaloo hambalyo u dirayaa xisbiga kulmiye iyo madaxweyna hada la
 doortay ee axmed maxamed maxamud (siilaanyo),waxaanan leeyahay mabruuk
iyo inuu ilaahay kula garabgalo hawsha weyn ee laguu doortay taaso aad runtii
mudo dheer aad ku taamaysay,balse manta waxa lagaga fadhiyaa wax qabad iyo inaad
keento jiil cusub iyo wajiyo cusub oo umadda wax u qabata.
     Waa ii gobonimo inaan ku hambalyeyno aniga iyo xisbigayguba.
Gudoomiyaha xisbiga Ucid ee koonfur afrika.
Mudane:mohamud jamma ahmed(suudani). 

Hambalyo Hambalyo Hambalyo:
 
Tolow qaybteen u hormariyaaDad waynaha sida lala wada yabay u gutay codbixintoodii
Gudiyaadii loo xil saaray abaabulka doorashooyinka ee sida lala wada yaabay u gutay
xilkaa culus ee u gurmaday aayaha iyo masiirka Somaliland
Ciidamada nabadgelyada ee sida laala wada yaabay u gutay xilkaa wadaniga ah ee
la’aantood looba soo dareereen doorasho
Madaxda oo dhan dawlad iyo ururada qaranka oo dhan
Tusaalooyinkay sida hagar la’aanta ah u dirayeen qurbajoogta reer S/land.
Raali ahaada hadaad tihiin war baahinta idinkama tegine oo u noolaada dalkiina
 sidaana u ahaada dhex-dhexaad waasiday tahay xorriyadda ku salaysan Dimuqraadinimo
 e u noolaada dalkiina
 
Isku soo wada duuboo qaybina qayb kama seexan halkii kaga haboonaye hambalyo
ummad yahay.  Hal talo waaya arag oo u socota madax waynaha cusub waa ballan
qaadyadaadii waxa guushaa kuu soo hooyaye waa inaad oofisaa.
 
Wa bilaahi towfiiq,
Xaji Muuse Cabdi Mire

Waxan halkan hambalyo umarinayaa dhamaan shacab weynaha SOMALILAND
iyo madaxweynahii Hore aan marna aanay ilaawi doonin shacabkiisu
Md.Daahir Riyaale ee sida sharafta leh  uu soo maamulay wadanka
waana mid loo ogyahay iyo sida fiican ee uu u aqbalay natiijadii Doorashada
 waxa kale oo aan halkan umarinaynaa Hambalyo iyo bogaadin aan
lasoo koobi karin Madaxweynaha cusub Axmed Maxamuud Maxamed Siilaanyo
 Iyo ku xigeenkiisa Eng Craxmaan Saylici oo aan ilaahay uga baryayno xilka
loo dhiibtay inuu u fududeyo ...

Waxa kale oo aan hambalyo aan lasoo koobi karayn udiraynaa Gudoomiyaha
Komishanka Doorashooyinka Qaranka Eng Cise Xamari iyo dhamaan
xubanaha kale ee komishanka doorashooyinka iyo sida fiican ee maamul
wanaaga ah ee hawsha u dhameeyeen..

Waxaana Diraaya Hambalyooyinkaas iyagoo matalaya ardeyda Somaliland Ee Sudan :

1. Fouad Sugule Siciid
2.Cabdihakiim Ibrahim Nabadiid
3.Husien Ali Elmi
4.Ayanle Aden Mohamed

    Fouad Sugule
fsugule@hotmail.com

HANBALYO IYO BOOGAADIN KU SOCOTA MADAXWEYNAHA CUSUB MUDANE A
HMED MOHAMED MOHAMUD. IYO LABADA GUDOOMIYE EE KA QEYB GALEY TARANTII DOORASHOOYINKA
Salaanta islaamka ka dib.
Waxaam halkan hanbalyo iyo salaan qaaliya u marinaya
Madaxweynaha Cusub ee Jahmhuriyada Somaliland mudane
Axmed Mohamed Mohamud Silaanyo. Waxaan madaxweynaha
Alle uga baryaya in xilka umada ee loo doortey uu Alle
u fududeeyo kana yeela mid dalka iyo dadka gaadhsiiya
horumar iyo barwaaqo. Iyado dhanka kale ay waajib tahey
in madaxweynaha loogu hagar baxo sidii loogala shaqeyn lahaa hawlaha qaranka ee horyaala.
Dhanka kale waxaa iyaguna hanbalyo iyo sharaf mudan
labadii musharax ee ku tartamayey magaca labada xisbi
ee UDUB iyo UCID. Madaxweynihii hore ee Jamhuriyaa
Somaliland mudane Daahir Riyaale kaalin oo taariikhada baal
dahaba kaga galey sidii taariikhiga aheyd ee ugu qancey in
marka hore la qabto doorashooyin xor ah iyo sida uu markii
danbe ugu qancey natiijadii doorashada ka soo baxdey.  Waxaa
isaguna hanbalyo mudan Gudoomiyaha xisbiga UCID mudane Faysal
 Cali Waraabe oo runtii dadaal iyo juhdi badan geliyay in
Somaliland noqoto wadan madaxdiisu ku timaado hab  democracy ah.
Somaliland ha noolato.
Guul iyo gobanimo.

Allaa mahad leh
Osman Omar Dool
London UK

___________________________________________________

Anaga oo ah dhamaan Ardayda
Somaliland ee wax kabarata dalka Pakistan waxaanu Hambalyeeynaaynaa
 Madaxweynaha Cusub ee Somaliland Ahmed Maxamed  Siilanyo, oo tartankii
doorashada Dimuquradiga ahaayd ku Gulaaystaay, waxaana . Waxaanaaynu
Rajaaynaaynaa Inuu dalkeenu Gaadho Isbadal dhinac walba leh Maadama Xukumad Cusub aay
Timid Waxaana Hamblayada Diraayah
Axmed Xaashi Cali
 
Maxamed Jawhar Sheekh Cali
Maaliki Cabdi Xuseen
Cabdirisaaq Ismaciil
Cabdixakiin Ahmed  Cali
faraxaan Siciid Gees
Cabdirisaaq Siciid Gees
Khadar Maxamed Faarax Caynaanshe
Maxamed Ciise Yusuf
cabdikariin Ciise Yusuf
Ahmed Maxamed Cabdi
Xamse Muuse Qodax
Idiris Muuse Cilmi
Salman Xasan Cumar
Ahmed Sheekh Ibaarhim
Mahad Nuux Muumin
Xasan Saleebaan Cali
 
 
 
 
 
 
 
Mahad Nuux Muumin
Mahad_nuux09@hotmail.com
Pakistan Islamabad